Ерупција на вулкан и силен земјотрес во Индонезија
Индонезискиот вулкан Маунт Рињани на островот Ломбок исфрли денеска пепел и камења во воздухот во висина од 3.500 метри, изјави портпаролот на Националната агенција за намалување на последниците од катастрофите, Сутопо Пурво.
Илјадници туристи останаа заробени на два острова, откако пепелта од вулканот затвори два аеродрома и прекри села и фарми.
Поради ерупцијата стопирани се летовите на аеродромот Нгурах Раи на Бали, кој се наоѓа на околу 135 километри од Ломбок и на аеродромот Селапаранг во Матарама, главниот град на покраината Западна Нусатенгара, на островот Ломбок.
Истовремено силен земјотрес со интензитет од 6,3 степени според Рихтеорвата скала ја погоди источна Индонезија, поради што голем број луѓе ги напуштија своите домови во паника.
Засега нема извештаи за повредени и за причинета материјална штета. Властите соопштија дека нема опасност од појава на цунами.
Епицентарот на земјотресот бил на 28 километри североисточно од островите Алор, во источната покраина Нусатенгара. Геолошкиот институт на САД наведе дека земјотресот бил на длабочина од 14 километри.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово