Свет
4. September 2015 - 18:08

Ерјавец: Словенија ќе прими околу 2.000 бегалци

Словенечкиот министер за надворешни работи Карл Ерјавец изјави денеска дека неговата земја повеќе нема да се противи на воведувањето квоти за бегалци во ЕУ и дека е подготвена да прифати околу 2.000 бегалци.

- Повеќе нема да се противиме на задлжителните квоти и сметам дека за Словенија не би требало да биде проблем да прифати околу 2.000 бегалци, изјави Ерјавец во Брисел, пред неформалниот состанок на министрите за надворешни работи на ЕУ.

Европската комисија идната недела треба да ги одреди точните квоти за распределување на 160.000 бегалци низ земјите членки на ЕУ врз основа на бројот на жители и економски развој. Според проценките Словенија би требало да прими околу 2.000 бегалци.