Ердоган: Турција може да организира референдум за враќање на смртната казна
Турскиот претседател Реџеп Таип Ердоган истакна дека Турција може да организира референдум за враќање на смртната казна, ако Парламентот не успее да донесе таква мерка.
Ердоган ја даде оваа изјава денеска, при водењето на кампањата за гласање со позитивен одговор на референдумот на 16 април за уставни промени, што ќе ги зголемат претседателските овластувања.
По обидот за преврат на 15 јули Ердоган често изјавува пред неговите приврзаници, кои повикуваат за враќањето на смртната казна, дека доколку Парламентот изгласа таква одлука, тој ќе ја потпише.
Денеска тој направи чекор напред со изјавата дека може да биде свикан референдум по прашањето, доколку Парламентот не усее да ја врати смртната казна.
Турција ја укина смртната казна пред повеќе од 10 години.
Европските лидери предупредија дека преговорите за присоединување на Турција кон Европската унија ќе завршат ако Анкара ја врати смртната казна.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка