Ердоган пристигна во Вашингтон
Шефот на турската држава Реџеп Тајип Ердоган синоќа пристигна во Вашингтон, каде денеска е предвидено да се сретне со американскиот претседател Доналд Трамп, јави ДПА.
Ердоган беше пречекан од група луѓе, кои развиорија турско знаме и го извикуваа неговото име на мал собир во близина на Белата куќа. Собирот, во кој учествуваа околу 50 лица беше организиран од Турско-американскиот национален комитет.
- САД сега треба да имаат доверба во Турција, изјави 42-годишниот Невзат Тунџел, кој живее во Бруклин.
- Турција е сојузник на САД и НАТО, но американската поддршка на Силите за заштита на народот на сириските Курди е сериозен проблем за Турција, бидејќи тие и Курдската работничка партија (ПКК), се како една иста групација. Кога ќе им дадеш оружје на Силите за заштита на народот половмина од него оди кај ПКК, изјави Тунџел на собирот на приврзаниците на Ердоган.
Трамп минатата недела даде дозвола за вооружување на Силите за заштита на народот во Сирија во борбата против ИД. Анкара ја смета оваа организација за терористичка групација, поврзана со курдските бунтовници.
За денеска во Вашингтон е најавен и собир на противниците на Ердоган.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање