ЕПП ќе остане прва партија во Европарламентот, но со помалку мандати
Европскиот Парламент ја објави својата прва проекција за идниот парламентарен состав по мајските избори. Европската Народна Партија (ЕПП) останува прва, но со полоши резултати од претходно, јави дописничката на МИА од Брисел.
Демохристијаните од ЕПП и Социјалдемократите ќе останат двете први партии во идниот Европски парламент, предвидува Европарламентот. ЕПП се очекува да изгуби три процентни поени, а Социјалистите шест, со што ЕПП ќе претставува 26 отсто од идниот Парламент, а Социјалистите деветнаесет отсто.
Најголем раст на гласачи демохристијаните ги очекува во Грција, а најголем пад во Франција, Чешка и Италија. Што се однесува до Социјалдемократите, најзначаен пад ги очекува исто така во Франција и Италија, а во ниедна земја нема да напредуваат, предвидува ЕП.
Како што се очекува, најголем напредок треба да оствари екстремната десница, од над пет процентни поени. Меѓутоа, отсуството на политичка и партиска кохезија кај овие партии најверојатно нема да им овозможи значајно да ги сменат односите на сили во европскиот парламентарен дом, бидејќи овие партии се поделени на најмалку три различни политички групи во Европскиот парламент. Иако одамна постојат обиди пред и по секои европски избори за обединување на крајната десница, засега тоа никогаш не успеало.
Екстремната левица и Зелените, кои се во истата политичка група во ЕУ, ќе останат на исто ниво, иако се очекува мал пад од околу 0,5 процентни поени. Најголем раст треба да доживеат во Германија и Литванија.
Најголем прашалник постои околу Либералдемократската партија, на која треба да и се придружи партијата на францускиот претседател Емануел Макрон, ЛРЕМ. Засега партијата на Макрон не е застапена во Европскиот парламент, и нејзиниот резултат на овие избори би можел да направи голема разлика во односот на сили, сметаат набљудувачите.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка