Ембид и Таунс казнети за по 2 натпревари по инцидентот

Џоел Ембид од Филаделфија и Карл-Ентони Таунс од Минесота добија два натпревари казна, откако се обидоа да се степаат за време на вчерашната средба помеѓу Филаделфија и Минесота. Лигата објави дека тие биле санкционирани и за тоа што се случило на паркетот и за „континуираната ескалација по инцидентот“, осврнувајќи се на размената на зборови помеѓу Ембид и Таунс на социјалните мрежи.

Минесота исто така побара казна и за Бен Симонс, кој го држеше Таунс на подот, но до таква не дојде.

Ембид ќе ги пропушти натпреварите со Портланд и Феникс, губејќи вкупно 379.374 долари, додека Таунс нема да ги игра дуелите со Вашингтон и Минесота и ќе „осиромаши“ за вкупно 376.345 долари.