Емануел Макрон со порака до Французите: Да ја сакаме Франција
Во своето прво обраќање до нацијата, откако денеска беше избран за нов претседтаел на Франција, Емануел Макрон ги повика „сите Французи дека ги штитат најранливите меѓу нив“, јави дописникот на МИА од Париз.
- Вие избравте да ми ја дадете вашата доверба и јас ви ја изразувам мојата длабока благодарност, рече новиот француски претседател говореќи од неговиот изборен штаб.
Тој притоа нагласи дека чувствува „чест и одговорност“. - Ви благодарам од срце. Јас нема да ве заборавам, рече Макрон.
- Сакам вечерва да испратам републикански поздрав до мојот противник г-ѓа Ле Пен. Ги знам поделбите на нашата земја, кои ги доведоа некои до екстремно гласање. Моја е одговорноста да ги слушнам, посебно заштитувајќи ги најранливите, рече новиот француски претседател.
Тој пораќа дека вечерва им се обраќа на „сите, на целиот народ на Франција“.
- Вечерва се отвора една нова страница од нашата долга историја. Сакам таа да биде (страница) на повторно пронајдена надеж и обновена доверба, рече тој.
Во врска со ЕУ, Mакрон вети дека „ќе работи за да ја зајакне врската меѓу Европа и народите кои ја формираат“.
Макрон, исто така, гарантираше дека Франција ќе биде „во првите редови на борбата против тероризмот, како на нејзината територија, така и во странство."
- Во текот на петте години кои се отвораат. Мојата одговорност ќе биде да ги смирам стравувањата. Мојата одговорност ќе биде да се соберат сите жени и сите мажи кои се подготвени да се соочат со огромните предизвици кои не очекуваат во иднина, порача Макрон.
Тој најави дека ќе се бори со сета своја сила против поделбите што ја поткопуваат Фрамнција.
- Само така на францускиот народ можеме да му ја вратиме шансата која Франција му ја должи. Да ја сакаме Франција. За следните пет години кои доаѓаат, јас со смирениост, посветеност и одлучност ќе и служам во ваше име. Да живее Републиката, да живее Франција, го заврши Макрон своето прво јавно обраќање по денешниот избор за нов француски претседател.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово