Џет-Сет
27. September 2017 - 10:15

Елена им возврати на хејтерите - кога може Цеца да се соблака, можам и јас

Елена Велевска важи за една од најдобрите риби на домашната сцена. Освен што е згодна, фолкерката, исто така, ги следи и сите музички трендови, па така однеодамна народните рефрени ги замени со модерен звук, па сега пее и поп.

Освен во Македонија, почна да работи и во соседна Бугарија каде потпиша договор со Паинер продукција, а сними и неколку видеа и синглови за нивниот пазар.

Работам напорно, сакам да внесам свежина во етерот и да ги следам трендовите. Затоа и почнав да пеам поп-фолк. Дел од публиката го прифати тоа, дел ме осудија, но јас знам што правам и знам дека ако сакам да бидам успешна морам да се прилагодам на музичките правци кои сега се актуелни и модерни. Исто така, ми пречи кога ги коментираат моите фотки и спотови во кои сум малку разголена во негативна конотација. Кога Цеца ќе се соблече, тоа е супер, а кога Елена ќе го направи тоа веднаш сите нешто хејтаат и коментираат. Е тоа многу ми пречи, знам дека живеам во Македонија, но мораме да се трудиме да ги следиме светските теркови, само така ќе опстоиме", вели фолкерката која неодамна настапи и на "Валандово фест", а наскоро ќе ја изненади публиката со нов сингл на кој работи во моментов.