Електричен автобус сообраќа на линијата 15 во Скопје
Во наредните шест месеци електричен автобус ќе сообраќа на линијата со број 15 од Карпош до Ново Лисиче. Станиците за полнење ќе бидат поставени на последните станици на оваа линија. Целта на овој проект е да се види ефектот врз животната средина и заштедата на средства, со цел да може да се планира модернизација на градскиот сообраќај.
Градоначалникот на Град Скопје, Петре Шилегов на денешната промоција на автобусот рече дека ова е одлична можност што ќе го збогати градот со ново искуство, што ќе може да се користи во планирањето на модернизацијата на јавниот градски превоз.
- Автобусот е направен во согласност со последните технолошки трендови во оваа индустрија. Станува збор за енергетски ефикасен автобус што троши минимално количество електрична енергија и е опремен со систем за брзо полнење и има нула емисија на штетни гасови, рече градоначалникот Шилегов.
Потсети дека годинава е предвиден буџет за субвенции за набавка на екоавтобуси во висина од 100 милиони денари и за приватните превозници во висина од 20 милиони денари, како и оти во Скопје веќе сообраќаат два екоавтобуси на гас, на линијата број 5 и на линијата број 2.
Со пробното користење на овој тип автобус Градот ќе може да процени дали тоа би било вистинско решение за јавниот градски превоз.
Станиците за полнење на крајните постојки во Ново Лисиче и Карпош 4 се поставени со помош на ЕВН Македонија.
За пробното користење на овој електричен автобус градоначалникот на Град Скопје, Петре Шилегов, и генералниот директор на компанијата Chariot Motors, Милен Милев, на 16 февруари потпишаа договор. По истекот на пробниот период овој електричен автобус ќе биде понуден на ЈСП и на приватните превозници да го купат.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка