Најмалку едно лице загина во експлозија на фабрика за воена опрема во Британија по што изби пожар, јавија денеска британските медиуми.
Во експлозијата во Солзбери уште едно лице е потешко повредено. Како што се наведува, пожарот е ставен под контрола и не претставува закана за луѓето кои живеат во таа област.
Портпаролот на полицијата соопшти дека повреденото лице е во критична состојба.
Пожарот го гасеа противпожарни екипи.
Во прашање е фабрика која произведува опрема за воени бродови и летала.
Причината за експлозијата засега е непозната, а истрагата е во тек.
