Свет
17. January 2019 - 14:08

Експлодираше за миг: Погледнете ја страотната ерупција на вулкан во Јапонија, фрлаше пепел на висина од 6 километри

Ерупција на вулкан се случи утрово на островот Кутиноерабујима, на југот на Јапонија, соопшти националната метеоролошка агенција.

Засега нема податоци за жртви ниту за причинета материјална штета.

Вулканот исфрли пепел во висина од 6 километри.

Вулканскиот остров Кутиноерабујима се наоѓа на југозападот на Јапонија.

Јапонија има повеќе од 100 вулкани и се наоѓа во делот од Тихиот океан кој поради честите земјотреси е познат како Огнен прстен на Пацификот.