Ексхумација и обдукција на лице место на 33-годишната родилка од Прилеп која почина на 10-ти јануари
Прилепското Основно јавно обвинителство денеска издаде наредба за ексхумација на телото на 33-годишна родилка од селото Црнилиште, општина Долнени која починала на 10 јануари по породувањето во Општата болница во Прилеп. На лице место во селото тимот на Судска медицина од Скопје направи и обдукција.
Според основната јавна обвинителка Маријана Илиеска обдукцијата е на лице место за да се избегнат тензии.
-За да нема отпор и тензии меѓу населението на селото Црнилиште екипата од судска медицина од Скопје, две лекарки и обдуцентот, направија обдукција на лице место. Обвинителството реагираше по допрен глас, изјави Илиеска.
Триесет и тригодишната родилка на 10 јануари го родила своето трето дете на гинеколошкото одделение во болницата во Прилеп, но, веднаш по породувањето имала обилно крвавење. Сите напори на персоналот биле залудни и околу 4 часот изутрината на 10 јануари родилката починала.
Прилепското основно јавно обвинителство ќе го чека наодот од обдукцијата на родилката.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња