Екс премиерот Ренци одново избран за лидер на италијанската Демократска партија
Поранешниот италијански премиер Матео Ренци одново е избран за лидер на италијанската лево-центристичка Демократска партија (ДП).
На партиските избори, Ренци (42) освои 70 отсто од гласовите, оставајќи ги далеку зад себе двајцата противкандидати.
Уверливата изборна победа му овозможува на поранешниот премиер, да остане во врвот на италијанската политичка сцена.
На овие партиски избори учествувале над два милиони гласачи.
Ренци поднесе оставка на премиерската и на лидерската функција во ДП, откако на референдумот за уставни промени во Италија, што се одржа во декември минатата година, доживеа пораз.
Во првата реакција по повторниот избор за лидер на ДП, тој најави дека веднаш почнува со подготовките за италијанските парламентарни избори, предвидени за 2018 година.
Последните испитувања на јавното мислење покажуваат дека Демократската партија го губи својот рејтинг и сега е и зад Движењето Пет ѕвезди.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка