Економисти: До крајот на 2050 година во Србија ќе има еден милион жители помалку
Населението во Србија ќе се намали за 15 проценти или еден милион граѓани во текот на следните три децении, рече денеска Саша Ранѓеловиќ, професор на белградскиот Економски факултет, jави Бета
Во презентацијата на билтенот „Квартален монитор“ за влијанието на демографскиот пад врз економскиот раст во Србија и регионот, тој нагласи дека намалувањето на две третини од населението од тој број ќе биде резултат на негативен природен раст и една третина на емиграцијата.
„Се проценува дека до 2050 година, населението во Србија ќе се намали за 5 проценти како резултат на емиграцијата, така што само Албанија и Летонија ќе имаат поголемо намалување на популацијата заради емиграцијата“, рече Ранѓеловиќ.
Тој додаде дека „остриот пад на населението, исто така, ќе влијае на намалувањето на контингентот на работна сила во Србија за околу една петтина“.
Поради падот на населението и неговото стареење, како и падот на продуктивноста, рече тој, просечната стапка на раст на БДП по глава на жител во Србија во текот на следните три децении ќе биде пониска за околу 0,8 процентни поени.
„Тоа значи дека БДП по глава на жител ќе се намали за речиси една четвртина до 2050 година“, рече Ранѓеловиќ.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка