Еколошки советувања во Охрид за „Фер и здрава храна“ и за „Енергетска демократија“
Повеќе од 60 учесници беа дел од двете еколошки советувања на темите „Фер и здрава храна” и „Енергетска демократија” што се одржаа во Охрид, во организација на Здружението за одржлив социо-економски развој „Изгрејсонце“ од Скопје, a со поддршка на „Green European Foundation“ (GEF) од Брисел, Белгија.
„Фер и здрава храна“ е дел од меѓународен проект, во кој учествуваат организации од нашата држава, Белгија, Полска и Ирска, а се дискутира за изнаоѓањето алтернативни решенија и позитивни промени во производството на здрава храна, поточно за производство на органска и локална храна во земјава, како и за искуствата во рамките на земјите од ЕУ.
Втората тема посветена на „Енергетска демократија” фокусот го става врз можностите за партиципативна, инклузивна и децентрализирана зелена економија преку промовирање на концептот – Енергетска демократија.
Пратеничката во македонското Собрание и претседател на зелената партија ДОМ, Маја Морачанин, која учествуваше на советувањата, го истакна значењето на развојот на зелена економија, потребата од отворање зелени работни места, како неопходноста од обезбедување обновливи извори на енергија и создавање услови за здрава животна средина во која ќе се одгледува и произведува здрава органска храна.
Настанот беше одбележан преку целосно „исфрлање” на пластиката од употреба, а имаше и вегетеријанско мени за учесниците и консумирање локални органски прехранбени производи.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари