-->
-->
ЕКК: Алкалоид реди победи
-->
Во четвртото коло од Европскиот клупски куп 2015 што се игра во Скопје, екипата на Алкалоид извојува значајна победа над Аве Нови Бор од Чешка со 3,5:2,5.
Победата над поранешниот европски шампион (2013 година) за Алкалоид беше четврта по ред со што го задржа максималниот ефект, а со тоа остана при самиот врв на табелата.
Победата за македонскиот првак ја обезбеди кинескиот шахист Ју Јангји по речиси 6 часа и одиграни 85 потега. Во динамична Сицилијанска партија, Ју го диктираше темпото, одржуваше напрегната позиција и во далечната дамска завршница успеа да ги искористи последните ресурси во борбата за цел поен. Во тој момент резултатот во мечот беше 2,5:2,5 и конечниот исход зависеше од таа партија. Драмата на мечот се решаваше во ситуација кога двата противници имаа преостанато помалку од 2 минути за завршување на партијата. Ју успеа да најде комбинација со која премина во добиена завршница крал и пешак против крал.
На другите пет табли партиите завршија реми. За Алкалоид покрај Ју настапија и Иванчук, Јаковенко, Томашевски, Криворучко и Андреикин.
Од другите македонски екипи учесници во купот, Центар го победи Гонзага од Ирска со 3,5:2,5, Гамбит Асеко загуби од Беер-Шева од Израел со 2:4, а Карпош беше поразен од Зеке Хасај од Косово со 3,5:2,5.
На табелата со максимални осум бода се Сокар (Азербејџан), Алкалоид и Сибир (Русија).
На женскиот дел од ЕКК во 4.коло македонскиот претставник Гамбит Асеко го победи холандскиот тим Де Штукенџерс изби на 2.место со 6 бодови, два помалку од лидерот Нона (Грузија).
-->
-->
-->
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари