ЕК: Визната либерализација со Турција ќе ја зголеми опасноста од тероризам во ЕУ
Воведувањето на визна либерализација за турските државјани за патување во ЕУ, како дел од договорот за префрлање мигранти од грчките острови во Турција, ќе ја зголеми опасноста од терористички напади во ЕУ, се наведува во извештај на Европската комисија, чии делови се објавени во британскиот весник „Дејли телеграф“.
- Веднаш штом турските државјани добијат право за патување во ЕУ без визи, може да се очекува странци да се обидат да добијат турски пасоши. Таквата можност ќе привлече не само нелегални мигранти, туку и криминалци и терористи, се додава во извештајот на ЕК.
Освен тоа, според Комисијата, турската мафија, која се занимава со шверц на дрога, луѓе и оружје, може да го прошири своето влијание во Европа.
Весникот „Фајненшал тајмс“ од своја страна наведува дека извештајот на ЕК се совпаѓа со изјавата на поранешен шеф на британското разузнавање дека предлогот за визна либерализација на 75 милиони Турци за Унијата е „исто како да се држи бензин до огнот кој се сака да се изгасне“.
„Дејли телеграф“ потсети дека ЕК неодамна предложи да се склучи договор за укинување на визите и за Косово, Украина и Грузија, кои се „отруени од организиран криминал“.
- Оценката на последиците од визната либерализација со Косово покажа дека шверцот на дрога, олеснувањето на нелегалната миграција, корупцијата, перењето пари, трговијата со луѓе и шверцот на оружје носат потенцијална опасност за внатрешната безбедност во ЕУ, пишува во извештајот на ЕК.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација