ЕК: Ќе се испита однесувањето на хрватските граничари кон мигрантите
Европската комисија изрази загриженост поради наводите на невладината организација Амнести Интернешанл за „нехуманиот и деградирачки“ третман кон мигрантите на границата на Хрватска со БиХ.
Брисел очекува спроведување целосна истрага и најави организирање на своја мисија која треба да се увери дека хрватските граничари ги почитуваат основните човекови права.
– Европските закони велат дека граничарите мораат да го почитуваат човечкото достоинство. За насилство, деградирање и нехумано однесување кон мигрантите и оние кои бараат азил нема место во ЕУ, наведува Комисијата.
Во Брисел тврдат дека стапиле во контакт со хрватските власти по повод извештајот на Амнести Интернешанл, во кој се истакнува дека хрватската полиција во ноќта меѓу 26 и 27 мај малтретирала група мигранти на границата со БиХ. Невладината организација наведува дека 16 луѓе од Авганистан и Пакистан биле удирани со нозе, претепани, врзувани, а десетмина се здобиле со потешки повреди, вклучувајќи скршеници и повреди на главата.
– Хрватските власти се обврзаа да го истражат случајот за злоставувањата на своите надворешни граници, ќе ја следат ситуацијата и ќе ја информираат Европската комисија за постигнатиот напредок, додава ЕК.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово