ЕХФ: Македонските претставници стартуваат од 2. и 3. коло
Македонскиот ракомет во купот на ЕХФ го претставуваат екипите на Пелистер,Бутел и Металург . Токму денеска беа извлечени двојките за ова натпреварување во кое нашите претставници се носители.
Еден од најреномираните наши клубови Пелистер сезоната ќе започне со победникот од дуелот Беса од Косово и швајцарскиот претставник Винтертур.
Од втората рунда ќе стартува и екипата на Бутел која ќе го чека победникот од дуелот Запорожје – Лондон.
Првите средби македонските претставници ќе ги играат на 6 или 7 октомври додека реваншот е недела подоцна.
Нашиот трет претставник Металург поради рејтингот ќе стартува од третото коло и првиот меч ќе го игра на 15. Октомври.
Според распоредот и квалитетот на потенцијалните противници нема да биде никакво чудо доколку во третото коло се најдат сите наши претставници.
Особено оптимисти се од редовите на Бутел , екипа која прави силен тим за следната сезона и очекува добри настапи и на домашната сцена и во ЕХФ купот.
-
Зоран Николовски
Сите содржини од овој новинар