Едукативниот караван на ДИК ја посети цела држава
Едукативниот караван на Државната изборна комисија (ДИК) што траеше во изминатите две недели заврши, а посети вкупно 15 градови и тоа Велес, Штип, Кочани, Кавадарци, Прилеп, Битола, Тетово, Гостивар, Охрид, Струга, Струмица, Куманово, Гевгелија, Вевчани и неколку општини во Скопје, покривајќи што поголем број на гласачи на територијата на државата, информираат од ДИК.
Оттаму посочуваат дека ДИК во пресрет на Претседателските избори 2019 и во склоп на кампањата „Глас по глас“ одлучи на ваков пристап до граѓаните со цел директна комуникација.
– ДИК во текот на кампањата со граѓаните сподели информации за нивните права, ги информираше за методите на гласање, едуцираше за значењето и одговорноста на гласот, и ги посочи забраните кои постојат на гласачките места. Овој начин на комуникација со граѓаните помага вистинската информација да дојде до секој гласач и да се надминат недоразбирањата во јавноста. Индивидуалниот пристап овозможи на ДИК до детаљ да ја пренесе сржта на кампањата „Глас по глас“ потенцирајќи дека секој глас значи остварување на демократијата во државата, се вели во соопштението од ДИК.
За граѓаните кои не успеаја да се информираат за своите интереси и права, од ДИК посочуваат дека тоа може да го направат со посета на официјалните социјални медиуми на ДИК (на Фејсбук фан страната и на Твитер профилот), но и на нивната официјалната веб страна.
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили