Едно лице е тешко повредено, а четири полесно во пет сообраќајки
Едно лице е тешко повредено, а четири се здобиле со полесни повреди во пет од вкупно 10 регистрирани сообраќајки на подрачјето на Скопје во изминатите 24 часа. Во останатите пет сообраќајки е причинета само материјална штета.
Како што информира за МИА главниот инспектор Сашо Дамјановски од СВР - Скопје, во текот на изминатиот ден сообраќајната полиција открила и санкционирала поголем број прекршоци.
Дваесет и девет возачи не ги почитувале ограничувањата на брзината на движење, четворица не ги почитувале светлосно сообраќајните знаци на крстосниците, а петмина не го користеле сигурносниот појас или зборувале на мобилен телефон. Затекнати се и шест пешаци кои поминале вон обележан пешачки премин или, пак, поминале на црвено светло на семафор, девет возачи кои управувале возило по истек на важност на сообраќајна дозвола и осум возачи без важечка возачка дозвола.
Со помош на специјалното возило во текот на изминатиот ден отстранети се 63 возила.
Одделението за превенција при СВР Скопје вечер во 19 часот во просториите на Полициската станица од општа надлежност Гази Баба ќе одржи сообраќајна поука на која ќе присуствуваат граѓани учесници во сообраќајот кои сториле прекршоци по разни основи во својство на возачи и пешаци.
Во делот на превентивните активности денеска ќе се одржат едукативни работилници со учениците од четврто одделение во ОУ „Ѓорче Петров“ и ОУ „Јоаким Крчовски“, општина Ѓорче Петров.
Ново на Сител
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО