Балкан
18. January 2016 - 8:17

Една жртва во поплави во северна Грција

Еден 47-годишен маж загина во поплава што го погоди Серес, северна Грција.

Мажот бил во својот автомобил и возел покрај надојдена вода во областа Сидирокастро, но водата го повлекла неговото возило по што тој се удавил. Спасувачките екипи го пронашле возилото во длабока кал.

Повеќе делови на Грција од саботата се соочуваат со обилни врнежи дожд кои предизвикаа поплави и излевање на реки во повеќе делови на земјата.

Метеоролозите за денеска најавуваат врнежи од снег во северните и централните делови на Грција, во Атина се очекува да врне лапавица, а на околните планини снег.