Еди Рама најавува отворени граници и со Македонија
2019 ќе биде година кога нема да постои граница помегу Косово и Албанија, порача албанскиот премиер. Во новогодишната порака до граѓаните Еди Рама најави и слободно движење помегу Македонија и Албанија во блиска иднина.
- Верувам дека границата меѓу Косово и Албанија на пролет ќе биде по критериум на Шенгенскиот договор. Во блиска иднина во план е иста постапка кога станува збор и за Македонија, за Црна Гора, и Грција..Со таква пракса ќе продолжиме до стапување во Европската унија.
Пред неколку дена иста вест стигна и од Приштина. Претседателот Тачи порача во 2019 ќе биде отворена граница помеѓу Косово и Албанија.
-Додека 2018 година беше година на „Армијата на Косово”, годината што ја започнавме ќе биде година на отворање на границата на Косово и Албанија и постигнување на конечниот договор меѓу Косово и Србија“ напиша Тачи на „Фејсбук“.
Секое поместување на границите во регионот е многу опасно предупредуваат аналитчарите. Според нив, за повторното оживување на дебата за границите на Балканот, улога има и политиката на ЕУ кон оддредени балкански влади.
-
Емилија Штерјов
Сите содржини од овој новинар