Балкан
13. March 2019 - 20:33

Еди Рама го тужи за клевета поранешниот премиер Бериша

Албанскиот премиер Еди Рама го обвини за клевета Сали Бериша поранешен премиер, шеф на државата и поранешен лидер на Демократската партија.

Се дознава дека обвинението е поднесено поради изјавите на Бериша за Рама во врска со договорот со Грција за обележување на морската граница меѓу двете земји.

Според тиранската телевизија Ора њус, како обештетување за ова, Рама бара износ од еден милион леки.

Првата расправа во судот во Тирана се одржа денеска, а втората е закажана за 11 април.

Инаку, Рама досега има поднесено вкупно 40 обвиненија против претставниците на опозицијата, меѓу кои и против актуелниот лидер на Демократската партија, Љуљзим Баша, како и поранешните пратеници Јорида Табаку и Ервин Салиањи.