Тенис
17. July 2018 - 9:43

Едберг: Ѓоковиќ ноќна мора на Федерер

Поранешниот тренер на Роџер Федерер, шесткратниот гренд слем шампион, Штефан Едберг во интервју за „Тенис магазин“ вели дека жали што Швајцарецот не успеал да освои гренд слем титули кога соработувале во 2014 и 2015, но дека за тоа има само една причина – Новак Ѓоковиќ.

36-годишниот Федерер играше во четири финалиња на големите турнири во тој период, губејќи ги сите од Србинот Ѓоковиќ.

„Кога дојдов во тимот, бев сигурен дека можеме до гренд слем титули. Тој заслужуваше титули во 2014 и 2015, но Новак Ѓоковиќ беше многу подобар. Како минуваат годините, станува потешко, но Роџер е безвременски. Тоа што го направи последните две години е неверојатно“, вели Едберг.

Федерер сакаше да продолжи да работи со Едберг и во 2016 година, но Швеѓанецот вели дека планот бил да има само едногодишна соработка.