Џорџ Клуни наратор во филмот за Шимон Перез | Сител Телевизија
Џет-Сет
22. March 2018 - 23:51

Џорџ Клуни наратор во филмот за Шимон Перез

Оскаровецот Џорџ Клуни е наратор во филмот за животот на поранешниот израелски претседател и добитник на Нобеловата награда за мир, Шимон Перез.

Иако премиерата е најавена за јуни, Клуни веќе го снимил својот дел.

Режисер и продуцент е Ричард Транк, кој успеал да сними 50 часови интервјуа со Перез, неколку месеци пред неговата смрт во 2016 година.

Во филмот се појавуваат поранешните претседатели на САД, Џорџ Буш Помладиот, Бил Клинтон и Барак Обама, како и премиерот на Израел, Бенјамин Нетанјаху, поранешниот британски премиер Тони Блер и американската актерка и пејачка Барбара Стрејсенд, која во 2013 година присуствуваше на 90-от роденден на Перез.

Филмот премиерно ќе биде прикажан на 13 јуни во Вашингтон.