Џон Кери повика за итен прекин на огнот на цела територија на Сирија
Американскиот државен секретар Џон Кери повика за прекин на огнот на цела територија на Сирија, а посебно во градот Алепо, кој е бомбардиран од воено воздухопловните сили на режимот во Дамаск.
Тој телефонски разговарал со специјалниот пратеник на ОН за Сирија, Стефан де Мистура и со координаторот на сириската опозиција Ријад Хиџаб. Кери денеска и утре ќе престојува во Женева, каде ќе оствари итни разговори за конфликтот во Сирија.
САД побараа од Русија да преземе мерки и да не дозволи сирискиот претседател Башар ал Асад да го прекршува повеќе прекинот на огнот. Стејт департментот смета дека за ескалирањето на конфликтот во градот Алепо е одговорен режимот на Асад, кој главно напаѓа цивили, а не групата „Џебхат ан Нусра“, како што тврди сирискиот лидер.
Руското Министерство за надворешни работи вчера соопшти дека Москва нема да бара од силите на сирискиот режим да ги прекинат воздушните напади врз Алепо, бидејќи верува дека тие помагаат во борбата против џихадистичките групи.
- Ние нема да вршиме притисок на Дамаск, бидејќи мора да се разбере дека ситуацијата во Алепо е дел од борбата против терористичката закана, истакна заменик шефот на руската дипломатија Генади Гатилов.
Во меѓувреме, Катар бара итна средба на Арапската лига поради бомбардирањата на сириската армија врз градот Алепо, кои траат веќе десетина дена.
Според податоците на Сирискиот центар за мониторинг на човековите права, со седиште во Лондон, во текот на изминатата недела борбите во овој град се интензивирале, при што загинале повеќе од 200 луѓе.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово