Џафери се сретна со директорот на Комисијата за социјални развојни работи на кинескиот Парламент, Јитинг
– Претседателот на Собранието на Република Северна Македонија, Талат Џафери денеска имаше средба со директорот на Комисијата за социјални развојни работи на Сeкинескиот народен конгрес, Хе Јитинг, кој престојува во официјална посета на земјава.
Како што соопшти кабинетот на Џафери, на средбата биле поздравени пријателските односи кои се развиваат во духот на меѓусебното разбирање и взаемното почитување на суверенитетот, територијалниот интегритет и рамноправноста на двете земји.
Директорот Хе, како што се наведува во соопштението, информираше за работата на Комисијата за социјални развојни работи, како една од десетте комисии на Сeкинескиот народен конгрес, која се занимава со прашања на вработувањето, социјалната заштита, безбедноста при работа, заштитата на правата на жените и децата, и тоа преку својата законодавна и преку надзорната функција за спроведување на донесената регулатива.
Џафери на средбата се осврнал на новиот Закон за социјална заштита донесен од Собранието, со кој се зголемуваат обврските на институциите за одредени категории на граѓани и изрази спремност за споделување на искуства во решавањето на одредени прашања од социјалната сфера.
Во соопштението се посочува дека двете страни се согласиле дека директните средби и размената на мислења и искуства значително придонесуваат за унапредување на пријателските врски меѓу двете држави и за создавање на поволен амбиент за соработка во различни области од заеднички интерес.
Ново на Сител
-
ВО ЖИВО: Нема настава во сабота
-
Тема на денот со претседателот на ДИК, Александар Даштевски
-
ССК: Кога среда е неработен ден, сте ја изгубиле цела недела
-
Во Југоистокот на државата запишани 1547 болни и изнемоштени лица
-
ВО ЖИВО: Подготовки во ДИК
-
Гласање во затвор „Идризово“, запишани 887 избирачи
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители