Џафери се сретна со директорката на Директоратот за проширување на ЕУ за Западен Балкан
Претседателот на Собранието на Република Македонија, Талат Џафери оствари средба со директорката на Директоратот за проширување, надлежна за Западен Балкан на Европската комисија, Геновева Руиз Калавера.
За време на средбата, соговорниците се согласиле дека се реализира предвидената динамика на активности поврзани со ефективното и ефикасното функционирање на Собранието на Република Македонија во извршувањето на неговите надлежности како законодавен дом.
Претседателот на македонскиот Парламент потенцирал дека Собранието станува отворено за граѓаните и граѓанскиот сектор залагајќи се притоа за промена на досегашната перцепција за него и тоа да стане вистински коректор на извршната власт.
Директорката на Директоратот за проширување, надлежна за Западен Балкан ја истакнала поддршката од европските институции за евроатланските интеграции на Република Македонија.
- Европската Унија со внимателност ќе ги следи демократските процеси, владеењето на правото како и реформите во јавната администрација и ќе продолжи да биде конструктивно критична во однос на евроинтегративните процеси на државата, се наведува во соопштението од прес-службата на Собранието на Република Македонија.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање