Џафери повика обезбедување во тек на расправата за разрешувањето на Зврлевски
Во вечерното продолжение на расправата во Собранието за разрешувањето на државниот јавен обвинител Марко Зврлевски на барање на претседателот на законодавниот дом Талат Џафери во пленарната сала беше распоредено собраниското обезбедување.
Образложението на спикерот за присуството на обезбедувањето е негова реакција на тоа што, како што рече, се случила ситуација во која пратеник му ја тргнал картицата. - Од таа причина е преземена мерка во моја надлежност за да може да се работи понатаму, рече Џафери.
На распоредувањето на обезбедувањето зад говорницата реагираа пратениците од ВМРО-ДПМНЕ, барајќи тоа да биде повлечено. Во меѓувреме Џафери ја повикуваше пратеничката Павлинче Честојнова која беше на ред за реплика да земе збор. Нејзините сопартијци реакоа дека тоа не може да се случи во присуство на обезбедување. Потоа обезбедувањето беше повлечено, а пратениците се вратија на место.
Следеше излагањето на Честојнова, по што расправата продолжи со процедурални реакции на пратеници од ВМРО-ДПМНЕ и претседателот на Собранието околу тоа кој го крши собранискиот Деловник.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор