Двоен потрес ги разори Филипините: Првиот потрес беше поблаг, па следуваше шок, туристичкиот рај во урнатини

Земјотрес и уште еден последователен потрес кој беше уште појак го погодија денеска островот Батан на северот на Филипини, при што настрадаа 8 и се повредени уште толку лица, соопштија филипинските власти, пренесвуа Ројтерс.

Се наведува дека првиот удар од земјотресот имал јачина од 5,4 степени по Рихтерова скала, а потоа следел уште еден од 5,9 степени.

Извршниот директор на владината агенција за вонредни ситуации Рикардо Халад изјави за Ројтерс дека во земјотресот се урнале згради на овој остров популарен меѓу туристите.