Две жртви во поплавите во Грција
Две лица загинаа во поплавите во градовите во близина на Атина кои ги предизвикаа поројните дождови што ја зафатија областа изминатата ноќ.
Поради поплавите затворени се и повеќе училишта, а многу луѓе се заглавени во своите домови и автомобили.
Патиштата во Неа Перамос, кој се наоѓа на 27 километри западно од Атина, се претворени во реки од кал, а во исто време градоначалникот Григорис Стамулис за телевизијата Антена изјави дека „практично целиот град е поплавен“.
Тој додаде дека во тек се спасувачки операции за извлекување на луѓе кои се залавени во нивните автомобили и домови, додавајќи дека верува оти никој не е во животно загрозувачка опасност.
Во блискиот град Мандра една жена е пронајдена мртва во нејзиниот дом, а во друга улица постар маж исто така е пронајден мртов во неговиот поплавен дом, соопшти противпожарната бригада.
Во меѓувреме се спасени 12 луѓе од автобус кој бил заглавен на мост.
Грчките телевизии емитуваат снимки од луѓе кои од поплавата избегале на балконите и крововите од своите домови, додека властите добиле 160 повици за помош.
Грција вчера прогласи вонредна состојба на островот Сими кој беше зафатен од бура поради која беше прекината струјата и водата, многу домови беа поплавени, и голем број возила завршија во морето.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка