Две сообраќајки во тетовско - Две лица се потешко повредени
Две лица се потешко повредени по двете сообраќајни несреќи што се случиле во тетовско.
Портпаролот на СВР Тетово Марјан Јосифовски информираше дека сообраќајните незгоди се случиле во текот на вчерашниот ден.
Првата сообраќајка била околу 17:30 часот на регионалниот пат Тетово - Пирок пред училиштето во Калник кога автомобил „опел астра“ управуван од И.И.(75) од Голема Речица удрил во 70-годишната А.А. од Ново село 2, која се здобила со скршеница на главата и други повреди. Повредената била пренесена во Тетовската клиничка болница и по укажаната помош во неконтактибилна состојба била пренесена на скопските клиники.
Втората сообраќајка се случила во 23:40 часот на крстосницата од булеварот Илинденска и улицата Ѓоце Стојчески меѓу автомобил „голф“ управуван од Е.Џ.(22) и мопед „томос“ што го управувал М.М.(33). Во несреќата моторциклистот се здобил со скршеница на левата потколеница, а по укажаната помош во Тетовската клиничка болница бил упатен на скопските клиники.
- Увид на местата од двете сообраќајни несреќи извршиле јавен обвинител и екипи на СВР Тетово и се работи на утврдување на причините, околностите и се друго поврзано со сообраќајките, рече Јосифовски. ас/бак/13:35
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација