Две лица повредени во сообраќајки во тетовско
Две лица се тешко повредени во сообраќајни несреќи што се случиле вчера во тетовско, информираше портпаролот на СВР Тетово, Марјан Јосифовски.
Првата сообраќајка се случила околу 11:50 часот на локалниот пат за Челопек кога автомобилот „Пасат“ со тетовски регистарски таблички управуван од А.П.(66) од Челопек налетал и удрил во пешакот И.И.(54) од истото село. Пешакот се здобил со тешка телесна повреда - скршеница на левата нога по што бил префрлен во тетовската Клиничка болница, каде по укажаната помош бил задржан за лекување.
Во втората сообраќајка што се случила околу 18: 30 часот на автопатот Гостивар-Тетово во близина на натпатникот за Пирок учествувале две возила „Пасат“ со скопски регистерски таблички управуван од Ј.А.(72) од Скопје и „Ауди“ со гостиварски таблички управуван од З.А.(57) од гостиварското село Топлица. Во судирот со телесни повреди се здобила сопатничката од „Аудито“ Е.Џ.(23) која била пренесена и задржана во тетовската Клиничка болница за понатамошно лекување и набљудување на состојбата.
Јосифовски изјави дека полицијата по овластување на јавен обвинител на местата на двете сообраќајки извршила комплетен увид и се работи на утврдување на причините.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка