Две години затвор за Македонец кој ширел нацистичка пропаганда
Судот во австрискиот град Санкт Пeлтен му одреди двегодишна затворска казна на македонски државјанин кој преку социјалните мрежи го величал Хитлер, пренесе Дојче веле.
Пораката „Хитлер врати се“ на Фејсбук го испрати 26-годишниот Македонец на издржување двегодишна затворска казна во Австрија. Судската порота во градот Санкт Пeлтен на 7 април едногласно го прогласила за виновен за ширење нацистичка пропаганда, што е строго забрането во повеќе европски земји.
Македонецот, по занимање готвач, пред Судот се правдал дека не знаел оти вршел кривично дело. Тој се доселил во Австрија во 2013 година, а неговата сопруга Австријка веднаш го предупредила дека не смее во јавност да го покажува своето голо тело затоа што на градите имал истетовирано свастика. Македонскиот државјанин објаснувал дека свастиката не е нацистички, туку „македонски симбол“ со долга традиција кој се наоѓал и на археолошко наоѓалиште во Македонија и имал сосема поинакво значење. Свастиката ја истетовирал од патриотски причини.
Тетоважата, сепак, не била пресудна во случајот, туку неговите постови на Фејсбук и Интернет на кои ставал фотографии од германски војници со свастики и слики на Хитлер. Во една дискусија околу бегалците ги „поздравил“ своите соговорници со „Зиг Хајл“ и повикал „Да се врати Хитлер“.
За австриското обвинителство, ваквото однесување претставува ширење на нацистичка идеологија, а таквото мислење го прифатил и судот.дв/са/13:51
Ново на Сител
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција
-
УЕФА ја казни Барселона
-
Ѓорческа не го помина второто коло на фјучрсот во Копер
-
Хамилтон: Ќе се тркам долго откако ќе наполнам 40 години, Ферари не е нешто краткорочно
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата