Дванаест Британци уапсени поради трговија со дрога и оружје
Дванаесет Британци, меѓу кои и царински службеник, беа уапсени во Франција и Велика Британија под сомневање дека се вклучени во шверц со дрога и оружје, соопшти денеска британската Национална агенција за борба против криминалот.
Триесет и шест годишниот цариник бил уапсен во петокот од француската полиција во близина на Кале заедно со уште три лица. Полицијата заплени 11 парчиња огнено оружје - девет пиштоли и два револвера, шаржери, како и 34 килограми кокаин и седум килограми хероин.
Малку подоцна во рамки на истата операција, лондонската полиција уапси осум лица во Кент, југоисточна Англија. Шестмина од нив, на возраст од 18 до 40 години, се обвинети за заговор за внесување на оружје и дрога класа А (најопасните дроги како хероинот и кокаинот).
По приведувањето, двајца се ослободени во очекување на заклучоците на истрагата, која се води од британската агенција во соработка со француската полиција.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок