Балкан
7. April 2016 - 9:14

Двајца ранети при ракетен напад од Сирија врз турска територија

Две лица се ранети денеска кога врз турскиот пограничен град Килис биле истрелани две ракети од сириска територија. 

Како што објави електронското издание на турскиот весник „Хуриет“ ракетите биле истрелани утрово нешто пред девет часот по локално време (осум часот по средноевропско време). 

Килис досега во неколку наврати беше цел на ракети и гранати истрелани од сириска територија. При еден од ваквите напади минатиот месец загинаа едно возрасно лице и едно дете.

Се претпоставува дека нападите се извршени од страна на припадници на џихадистичката група Исламска држава, која ја контролира територијата од сириската страна на границата кај Килис.