Двајца прилепчани осомничени за „тешка кражба“ во стан во Аеродром
СВР Скопје поднесе кривична пријава против прилепчаните К.В.(28) и Д.М.(24) осомничени за „тешка кражба“ во општина Аеродром, во која стекнале противправна имотна корист од околу 60.000 денари. Во претходна постапка на првопријавениот од судија му е одредена мерка притвор осум дена, а второпријавениот е во бегство.
Пријавените на 17-ти месецов околу 15 часот извршиле тешка кражба во стан на булевар „Јане Сандански“, на прв кат во зграда, во кој влегле од влезната врата. Со тврд предмет ја оштетиле видеокамерата поставена на влезната врата од соседниот стан, но таа продолжила да снима.
Во станот, во кој немало никој, влегле со подесен клуч (калауз) и по пребарувањето пронашле и украле златни пари и накит, евра и бугарски левови, по што незабележано го напуштиле станот во непознат правец.
Снимките од видеозаписот на безбедносната камера на влезната врата од соседниот стан полицијата ги споредила со фотографии од евиденции на МВР при што е утврдено дека се работи за познати сторители на вакви кривични дела.
К.В. на 24 ноември бил пронајден и приведен во Битола, а второпријавениот е се уште во бегство.
- При приведувањето кај пријавениот пронајдени се осум банкноти од по 50 евера и еден мобилен телефон, кои со потврда се одземени и за кои постои можност дека дел се пари кои се украдени од станот, а останатите дека потекнуваат од продажбата на златните предмети. Врз основа на претходно издадена наредба од страна на судија на претходна постапка извршен е претрес во домот (во Прилеп) на првопријавениот и при тоа не се пронајдени предмети кои потекнуваат од кривични дела, соопшти МВР.
Пријавениот К.В. негирал дека го извршил кривичното дело и кажал дека во Скопје последен пат бил пред околу 10 месеци.
- Пријавените се претходно познати извршители на кривични дела од областа на имотните деликти, како и кривични дела против здравјето на луѓето за што на К.В. поднесени му се пет кривични пријави и на Д.М. поднесени му се три кривични пријави, наведува МВР.
Ново на Сител
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити