Македонија
18. March 2019 - 10:38

Двајца браќа палеле скара, запалиле букова шума, пожар од небрежност во беровско

Вчера во 10.50 часот во Полициската станица Берово било пријавено дека на место викано „Сливница“, атар на село Русиново, беровско, настанал пожар во кој била зафатена букова шума.

По преземени мерки било констатирано дека истиот ден околу 10.45 часот на наведеното место, Д.Т.(31) и неговиот брат И.Т.(28), двајцата од село Смојмирово, запалиле оган за скара и поради небрежност огнот се проширил и почнал да се шири.

Пожарот бил целосно изгаснат во 14.30 часот од екипи од Територијалната противпожарна заштита Берово, ШС „Малешево“.

Од извршениот увид било констатирано дека изгореле околу осум хектари сува трева и папрат.