-->
-->
Дваесет земји-членки на ЕУ избраа Европско јавно обвинителство
-->
Советот на Европската унија денеска ја усвои регулативата за формирање на Европско јавно обвинителство (ЕППО) кое ќе важи за дваесет земји-членки на Унијата.
Како што јави дописникот на МИА од Брисел, ова Јавно обвинителство ќе биде задолжено за истрага, гонење и изведување пред лицето на правдата на сторителите на прекршоци против финансиските интереси на Унијата. Ова тело ќе ги собере европските и националните напори за спроведување на законот за борба против измамата во ЕУ.
- Создавањето на јавното обвинителство на ЕУ е важен чекор во соработката во областа на европската правда, која ќе помогне да ги заштитиме нашите даночни обврзници. Дури и кога криминалците ќе дејствуваат преку границите, сега ќе можеме да се осигураме дека тие ќе бидат изведени пред лицето на правдата и дека парите на даночните обврзници ќе бидат вратени, истакна Урмас Реинсалу, министер за правда на Естонија, земја која претседава со Унијата.
Централната канцеларија на Европското јавно обвинителство ќе биде со седиште во Луксембург, а датумот на кој ЕППО ќе ги преземе своите истражни и обвинителски задачи ќе го утврди Европската комисија врз основа на предлог од Европскиот главен обвинител откако ЕППО ќе биде формирано. Овој датум нема да биде порано од три години по влегувањето во сила на оваа регулатива.
Инаку, дваесетте земји-членки на Европската унија што се согласија да се формира Европското јавно обвинителство се Австрија, Белгија, Бугарија, Хрватска, Кипар, Чешка, Естонија, Германија, Грција, Шпанија, Финска, Франција, Италија, Летонија, Литванија, Луксембург, Португалија, Романија, Словенија и Словачка.
-->
-->
-->
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово