Два дена жалост во Тетово поради земјотресот во Албанија
Општина Тетово одлучи да прогласи денови на жалост, како и да одвои средства за хуманитарна помош по повод земјотресот во Албанија. Одлуките се донесоа на вонредна седница на Советот на Општината.
– Прогласени се среда, 27-ми и четврток 28 ноември како денови на жалост во Општина Тетово во знак на солидарност со жртвите од земјотресот во Албанија. Одлучивме и да се одвојат еден милион и петстотини илјади денари како хуманитарна помош. Средствата ќе се донираат за градот Драч и населбата Тумана за справување со последиците од земјотресот. Финансиите се обезбедени од резервниот фонд на Општината, информираше Беким Мемети, претседател на Советот на Општина Тетово.
Општина Тетово организира и собирни пунктови за донација на помош која им е најпотребна на настраданите во најпогодените подрачја од земјотресот. Помошта може да се остави во Противпожарната единица во Тетово на улица „Индустриска“.
– Поради вонредната состојба, првото собирање на донациите ќе започне на 27 ноември 2019 година (среда) до 12 часот и истите веднаш ќе бидат испратени во Албанија. Со собирање на донациите ќе се продолжи и во втората смена и ќе трае до 18 часот, информираат од Општината.
Се формираше и кризен штаб за транспорт на помошта собрана и наменета за погодените области.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.