Дука: Поради непочитување на мерките повторно имаме новозаразени
Епидемиолошката состојба, како на ниво на држава, така и во нашата општина, според официјалните бројки не е добра, бидејќи бројот на новозаразени постојано расте. Од вкупно новозаразените на ниво на држава во последното деноноќие, три лица се од Дебар, оцени денеска градоначалникот на Дебар, Хекуран Дука.
– Поради непочитување на превентивните мерки од страна на граѓаните имаме повторно појава на заразени во нашата општина. Тоа се случи по еден подолг период, во кој нашата општина се сметаше за зелена зона. Засега состојбата е под конторла, но како што оди трендот и очекувањата во следните денови ќе имаме појава на споравични случаи со Ковид-19, рече Дука.
Додаде дека трите позитивни случаи се од земените осум брисеви во понеделникот, додека за сеумте брисеви земени во вторникот сеуште се чекаат резултати. Резултати се очекуваат и од вчерашниот скрининг на вработените во детската градинка, со кој беа опфатени 69-те вработени во оваа установа.
Дука апелираше до граѓаните доследно да ги почитуваат превентивните мерки.
Со последните три нови случаи, вкупната бројка на заразени во Дебар се зголеми на 56. Од нив, две лица се од Центар Жупа, кои беа и првозаразени. Од вкупната бројка, 47 се оздравени, четворица починати, а активни на болеста се пет лица.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари