Дубаи воведе месечни дозволи за алкохол
Дубаи воведе туристички дозволи за консумирање алкохол што важат само за туристите кои не се муслимани и се постари од 21 година.
Ова е потег кој гарантира дека туристите нема да бидат казнети поради кршење на законот.
Малопродажниот синџир за алкохолни пијалоци Maritime i Mercantile International (ММИ), филијала на Емиратс Груп, на својот сајт има објавено упатство за туристите околу процесот за поднесување барање за лиценца. Туристите ќе мораат да посетат која било продавница на ММИ со оригинален пасош и да пополнат и потпишат образец со кој се потврдува дека купувачот е турист. Продавницата ќе земе и копија од пасошот и од печатот за влез во земјата.
Интернет страницата на синџирот за продажба на алкохол објавува и инструкции: „Ве молам прочитајте го ова за да бидете сигурни дека ја почитувате земјата, нејзините права и луѓето кои ги посетувате“. Туристичкиот кодекс на однесување содржи листа од пет инструкции, вклучувајќи и неконсумирање алкохол на јавни места, возење без алкохол и да не сте пијани во јавност.
Моментно, жителите во Дубаи имаат право на двогодишна дозвола која им овозможува да купуваат алкохол од продавниците и да го чуваат дома. Исто така, секој што пие во градските барови и ресторани би требало технички да има дозвола, иако никој не ја бара на увид.
Ново на Сител
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана