Спорт плус
5. September 2017 - 15:17

Државни награди од областа на спортот за Денот на независноста

Агенцијата за млади и спорт со прес конференција го најави свеченото доделување на Државните награди од областа на спортот по повод Денот на независноста на Република Македонија.
 
Директорот Каевски се заблагодари на сите присутни новинари и спортски работници, како и на членовите на одборот за доделување на Државни награди при Агенцијата за млади и спорт. Доделувањето на наградите “8 Септември” се одржува шеста година по ред и ги вреднува постигнувањата на спортистите и спортските работници во Македонија. 
 
И оваа година се доделуваат 4 награди за врвни спортски остварувања и една награда за животно дело од областа на спортот.
 
Тој ги покани сите присутни на свеченото доделување нанаградите закажано за петок, 8 Септември, во Собранието на Република Македонија, со почеток од 10.30 часот.
 
Честа да ги соопшти овогодинешните добитници му припадна на Проф. Јовица Угриновски, претседател на Федерација за планинарски спортови и долгогодишен член на Одборот за доделување на награди при Агенцијата за млади и спорт.
 
Ѓокица Николовски, Ристо Магдинчев, Александар Коцевски и Петар Белистојаноски се добитници на наградите за остварувања во спортот, додека пак наградата за животно дело му припадна на Иван Кочовски, нашиот шаховски великан.
 
На пресот свое излагање околу транспарентноста и бројот на апликациите имаше и проф. Руждија Калач.