Државната обвинителка на БиХ тврди дека пет години е незаконски следена и прислушкувана
Главната обвинителка на БиХ, Гордана Тадиќ, синоќа во интервју за телевизијата „Фејс“ од Сараево изјави дека знае дека пет години е подложена на илегален надзор и притоа ја потврди автентичноста на аудио снимката од разговорот со сега уапсениот шеф на Агенцијата за разузнавање и безбедност, Осман Мехмедагиќ, кој од неа бара истрагата за неговите спорни дипломи за завршено високо образование биде прекината.
-Со сигурност знам дека од првиот ден на функцијата сум незаконски следена, шпионирана и набљудувана. И тоа трае веќе пет години. Членовите на меѓународната заедница, исто така, се информирани за се, рече Тадиќ во интервју за „Фајс“.
Информациите за незаконското следење обвинителката, како што посочи, ги добила од високи разузнавачки кругови во БиХ, додавајќи дека веќе извесно време нејзиниот работен и приватен простор, како и возилата што ги користи, се озвучени.
Таа, исто така, во интервјуто ја потврди автентичноста на нејзиниот разговор со контроверзниот шеф на Агенцијата за разузнавање и безбедност на БиХ, Осман Мехмедагиќ -Осмица.
-Можам само да потврдам дека разговорот е автентичен. Имено, не е првпат лично да сум изложена на нелегален надзор и прислушкување, и тоа за мене не е ништо ново, рече Тадиќ.
Минатата недела, неколку медиуми објавија аудио снимка од разговор во кој шефот на ОСА очекува главната обвинителка да го отстрани обвинителот Олег Чавка од истрагата за неговите дипломи за високо образование, за кои подоцна беше потврдено дека се фалсификувани.
Засега не е познат точниот датум на креирање на оваа аудио снимка, но секако е создаден пред апсењето на шефот на безбедносната служба поради сомневања дека незаконски се стекнал со диплома за високо образование.
ОСА, од своја страна, соопшти дека аудио снимката е направена незаконски, додавајќи дека станува збор за напад врз безбедносната агенција, но и врз самиот директор Мехмедагиќ.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка