Фудбал
5. October 2015 - 16:16

Друловиќ: Ако се поправиме неефикасноста може да се надеваме на победа против Украина

 
Македонската фудбалска репрезентација денеска го имаше првиот собир пред двата последни натпревари во квалификациите за ЕП. 
 
Прв противник в петок на „Филип Втори’’ е Украина, репрезентација која веќе го обезбеди своето место во баражот, а воедно селекција која во последните две кола може да стигне и до директен пласман на шампионатот во Франција. 
 
Селекторот Љубинко Друловиќ смета дека доколку неговите избраници ја повторат играта од натпреварот против Шпанија, но и доколку ја поправат неефикасноста може да остварат победа против Украина.
 
„Украина е фаворит на хартија, но доколку бидеме дисциплирани во играта и го повториме она што го одигравме против Шпанија, можеме да се надеваме на позитивен успех. Секако, очекуваме и поголема поддршка од трибините која ќе ни биде и тоа како потребна за овој натпревар. атпреварот со Украина дефинитивно ќе ни биде многу позначаен од оној со Белорусија. Пред сѐ поради тоа што играме пред нашата публика и со евентуална победа би можеле да размислуваме за подобар пласман на табелата", изјави Друловиќ.