Драма на небото: Авион морал принудно да слета, 53 лица повредени | Сител Телевизија
Свет
22. May 2018 - 15:05

Драма на небото: Авион морал принудно да слета, 53 лица повредени

 Вкупно 53 лица беа повредени денеска, од кои еден посериозно, при принудно слетување на авион на компанијата „Сауди Ерлајнс“ во саудискиот град Џеда.

Авионот од типот „Ербас А330“ полетал од Медина кон главниот град на Бангладеш, Дака, со 140 патници и 10 членови на екипажот, но пилотите набрзо воочиле проблем во хидрауличниот систем, соопшти Бирото за истраги во цивилното воздухопловство на Саудиска Арабија.

- Патниците беа евакуирани. Педесет и двајца од нив се полесно повредени, а една патничка има неколку фрактури и во моментов добива медицинска нега, соопшти Бирото.

За случајот е започнат истрага. Според саудиските медиуми, авионот  долго време кружел над аеродромот во Џеда пред да го изврши принудното слетување.