Дождот добредојден за тутунот, велат производителите
Дождот кој деновиве наврна во струмичкиот регион позитивно ќе се одрази врз производството на тутун со оглед дека високите температури предизвикаа прерано цветање, велат производителите.
Според нив, сега, со врнежите и постуденото време, се очекува да се остварат прогнозите за успешна реколта.
- Во нашиот регион имаме издадено 2.400 евидентни листови што значи дека под тутун се околу 1.000 декари. Првично, високите температури и сушата не поколебаа во прогнозите, но сега сметаме дека со дождот ќе успееме да произведеме околу 2.000 тони, изјави Марјан Трајков од Здружение на ттутунопроизводители „Басмак“ од Василево.
Во Струмичко годинава за дест проценти е зголемен бројот на издадени евидентни листови. Лани просечната цена беше 201 денар за килограм, а производителите добија и 60 денари субвенции.
- Субвенциите им се исплатени на сите од нашиот регион. Секојдневно сме на терен и гледаме дека доколку продолжат ваквите временски услови, ќе го повториме ланскиот квалитет. Сепак, по еден месец може да направиме пресек за годинашната берба, рече Трајков.
Реколтата 2016 година во Македонија тежеше 25.000 тони тутун кој на државно ниво се продаде по просечна цена од 197 денари по килограм. Годинава, поради сушата во јули прогнозите за очекуваните количества ќе бидат корегирани, велат производителите.
Ново на Сител
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за злоупотреба на службена положба
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти