Досега издадени потврди за барање азил на 189.957 мигранти

На вкупно 3.534 странски државјани, во изминатите 24 часа им се издадени потврди за искажана намера за поднесување барање за признавање на право на азил.

Како што соопшти денеска МВР, од вкупниот број, 1.931  се од машки пол, 552 се од женски, 891 се деца кои го придружуваат носителот на потврдата, како и уште 160 деца кои патуваат без родител. 

Според државјанството на лицата на кои им се издадени потврди, се наведува во соопштението, најбројни се државјаните на Авганистан 1.711, од Сирија 1.238,  Ирак 334 додека другите се во помал број.

Во периодот од 19.06.2015 до 29.10.2015 година во 08,00 часот, издадени се потврди на вкупно 189.957странски државјани, од кои, 117.537 се од машки пол, 27.203 се од женски, 36.401 се деца кои го придружуваат носителот на потврдата, како и уште 8.816 деца кои патуваат без родител, на кои им е издадена потврда за искажана намера за поднесување на барање за признавање на право на азил.

Според државјанството на лицата на кои им се издадени потврди, најбројни се државјаните на Сирија 124.309, потоа Авганистан 36.920, Ирак 14.761, Пакистан 4.175, од Иран 3.146, Палестина 1.644,Сомалија 964, Бангладеж 896,Конго 491, Нигерија 251, Камерун 222,  од Еритреја 212, додека останатите се во помал број. 

Во периодот од 08,00 часот на 28.10.2015 до 29.10.2015 година во 08,00 часот до Одделението  за азил не се поднесени  барања  за признавање на право на азил врз основа на претходно издадена потврда за искажана намера за поднесување на барање за признавање на право на азил .

Од започнувањето на издавањето на потврдите до 29.10.2015 година до Одделението  за азил се поднесени 70 барања  за признавање на право на азил врз основа на претходно издадена потврда , при што 51 барања се од државјани на Сирија, од нив 15 за деца, потоа пет барања од државјани на Авганистан од нив четири се деца кои го придружуваат родителот, три барања од државјани од Пакистан, по две барања од државјани од Мароко, Либан, Палестина, Алжир и Ирак (четири од барањата се за деца) и едно барање од државјанин на Египет.

Во ЈУ Прифатен центар за баратели на азил во дневниот регистар на баратели на азил за 28.10.2015 година евидентирани се вкупно 5 баратели на азил, сите мажи. Дополнително, согласно член 48 од Законот за азил и привремена заштита 3 баратели на азил (малолетно лице  со придружба на старател и двајца мажи)  се згрижени на друго место за сместување определено од Министерството за труд и социјална политика.