Донаторска конференција за манастирот „Св. Преображение Христово“ во Гостивар
Здружението за изградба на манастирската црква „Св. Преображение Христово“, синоќа во Гостивар ја одржа првата донаторска конференција за прибирање на средства за изградба на ова православно светилиште.
Во присуство на верници, претставници на компании и други гости беше претставен проектот, кој како што беше кажано, во догледно време ќе биде манастирски комплекс.
Надлежниот митрополит тетовско-гостиварски г. Јосиф, во своето обраќање ја поздрави иницијативата на жителите на населбата Циглана, кои како што кажа вложиле големи напори за да се отпочне градбата.
- Добро е што и оваа генерација продолжува да создава нови или да возобновува од старите градби. Денес и покрај економските состојби секоја епархија на свој начин е градилиште. Покрај во Скопје денес се градат храмови и во многу други места низ Македонија и меѓу македонците по светот. Очигледно, духовните потреби и традицијата да издвојуваме за Бога, придонесуваат и оваа генерација да ја красат бројни ктиторски и неимарски тајфи, рече митрополитот г. Јосиф.
Претседателот на здружението Даниел Радески, се збалагодари на сите кои досега го помогнале градењето на манастирот и на сите помагатели им врачи благодарници. Тој потсети дека во Гостивар по пауза од 120 години се гради нов православен храм. Особена благодарност му искажана на Крсте Спасеноски кој ја даруваше парцелата од 10.000 квадратни метри.
- Оваа идеја стана реалност во октомври 2014 година, откако по подготвителните работи, поддршката на локалните власти и добивањето на благослов, беше поставен камен темелникот. Зад секоја голема работа и зад секој успешен проект покрај желба, потребна е и неизмерната помош, која ја добиваме, нагласи Радески.
На синоќешната донаторската конфренција за изградба на манастирот, поединци и компании во пари и материјали даруваа 32.220 евра.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто